Tristeira, non brua, nin da leite, porque xa non pertence á nosa paisaxe. Por iso ela esixe que a redescubramos, e a valoremos, como ela, de certo, merece. Ás veces perdemos o senso do que é realmente importante.
A vaca condesa, de Juan Alfonso Belmontes, publicado por Oqo Editora.
As pozas, e a auga son aventura. Paisaxes descubertas por pequenos ollos rabudos. Neste Cando chove, de Leire Salaberria, publicado por Faktoría K.
Caión, Suevos e Malpica víron pasar familias de cetáceos, no camiño de Africa, cara ós Mares de Norte. Arponeiros, e mariñeiros, rifan e partixan os beneficios con frades e fidalgos. Industria especializada, e demandada por Europa.
Contado con detalle e paixón neste libro de Felipe Valdés, Los balleneros en Galicia (siglos XIII al XX), publicado pola Fundación Barrié.
A Caza do Ghazafello é un libro publicado en Xerais, que tivemos a sorte de presentar nesta librería. Mergullámonos nos misterios das palabras que abanean co son da música. Afiadas para entrar en nós pola porta da imaxinación e candentes como unha festa permanente dos sentidos!
Libraría Sisargas 