Presentación de Arredor das Irmandades da Fala

O xoves 2 de febreiro, ás 20:00 horas, preséntase o libro Arredor das Irmandades da Fala, coordinado por Luís Cochón, e publicado en Xerais. No acto participan, xunto ao coordinador, Xulio Ferreiro, Xosé Ramón Barreiro, Arturo Casas e Manuel Bragado.

Este libro, coordinado polo profesor Luís Cochón, reúne trinta traballos moi diversos arredor das Irmandades da Fala, o fenómeno que supón o principio da modernidade en Galicia no século XX. Un período, entre 1914 e 1931, que na historia do galeguismo configura un espazo sen volta no acontecer de Galicia, que comeza co inicio da Gran Guerra e se alonga até a proclamación da República do 31, ano de fundación do Partido Galeguista e da celebración da VII Asemblea das Irmandades da Fala, principio e cabo deste tempo. Tras un limiar de Xosé Luís Méndez Ferrín e unhas palabras introdutorias do editor literario, os traballos organízanse en tres grandes bloques: Pensamento, Política e Poética. Unha tríade que, coincidindo coa celebración do centenario da creación das Irmandades da Fala, artella un libro de intención coral, interdisciplinar, transversal e aberta. “Nesta obra, en realidade, aquel que se presenta como coordinador é verdadeiramente un autor. Luís Cochón esixe e orienta os partícipes que ten ao seu redor e reparte traballo. E dálles a palabra aos mortos. Pilla aquí e acolá, do patrimonio de vivos e defuntos, porcións de pensamento que acheguen máis as Irmandades para que poidamos rescatalas do estado de momificación nocional en que se encontran no discurso histórico comunmente aceite e oficializado. Pódese falar de collage, de mosaico, mesmo de farrapeira, pero o resultado é un centón que vai apaixonar o lector disposto a participar da aventura menos coñecida do pasado do cal dependemos” (Xosé Luís Méndez Ferrín).

Presentación de Vilcabamba, de Santiago del Valle, o xoves 13 de outubro, ás 20:30 h.

Osantiago-del-valle-vilcabamba xoves 13 de outubro, ás 20:30 horas, presentamos Vilcabamba, de Santiago del Valle, publicado por Ediciones del Viento.

“Hiram Bingham buscaba Vilcabamba la Grande en 1911 cando encontrou Machu Picchu, mais a ubicación da capital perdida do derradeiro reino Inca continuou sendo un misterio.
En base a documentos do século XVI, Santiago del Valle e outros investigadores conseguiron identificar en 1997 o emplazamiento de Vilcabamba la Grande. En Vilcabamba, el refugio sagrado de los incas, del Valle relátanos a aventura humana e científica que supuxo esta longa investigación en que dirixiu dezaseis expedicións, xunto con arqueólogos e historiadores peruanos e españois.
Nunha documentada narración vainos desvelando a orixe e desenvolvemento das antigas culturas andinas, a formación e progresión do imperio inca e a conquista española en 1532, así como a rebelión de Manco Inca en 1536, que deu lugar á formación do reino inca de Vilcabamba; gobernado sucesivamente polos catro derradeiros incas: Manco Inca, SayriTupac, Tito Cussi e Tupac Amaru. Tamén dedica varios capítulos a explicar a historia posterior do distrito de Vilcabamba e o despoboamento daquel territorio, que motivou a desaparición da última capital sagrada dos incas cuberta durante séculos pola selva.”

Presentación de Os Borbóns: unha monarquía escandalosa, o mércores 25 na Biblioteca da AA. VV. Atochas-Monte Alto

O mércores 25 de maio, ás 20:00 horas, na Biblioteca da Asociación Veciñal Atochas-Monte Alto (Campo de Marte), Manuel Monge presenta o seu novo libro Os Borbóns: unha monarquía escandalosa. A herdanza do franquismo, publicada en Laiovento. No acto participa, xunto ao autor, Xosé Manuel Carril.

Maquetaci—n 1“Este libro fala do que non se pode dicir, nin divulgar: temos unha monarquía corrupta, cunha tradición de reis e raíñas implicados en negocios, que utilizaron o trono para o seu enriquecemento. O rei Juan Carlos era o “jefe” da trama corrupta do Instituto Nóos, onde están implicados Iñaki Urdangarín e a súa esposa, a infanta Cristina.
Temos unha monarquía caduca, desprestixiada, que non ten futuro e que non foi elixida polo pobo. A chamada dinastía borbónica non existe e ten pouco de exemplar. Dadas as numerosas relacións de reis e raíñas con amantes é moi difícil saber quen é o pai ou a nai de moitas infantas e infantes. O rei Alfonso XII, coñecido como “El Puigmoltejo”, non era fillo de Francisco de Asis de Borbón y Borbón, esposo da raíña Isabel II, senón de Enrique Puigmoltó i Mayans, tenente de enxeñeiros.
O que cualifican moitos libros de historia como o “Réxime”, que tivemos de 1936 a 1977, foi en realidade unha ditadura criminal, equiparábel, segundo a ONU, á Alemaña nazi e a Italia fascista de Mussolini. Foi o ditador Franco quen elixiu a Juan Carlos en 1969 como o seu sucesor e o futuro rei xurou fidelidade ao Caudillo Franco e ás leis da ditadura.
Cando se cumpriron xa corenta anos da morte do ditador, aínda quedan moitos restos do franquismo, como o pazo de Meirás e unha gran fortuna da familia Franco. Unha Fundación, que recibe fondos públicos para lembrar e enaltecer a figura do ditador. Simboloxía fascista por todo o Estado e 150.000 persoas vítimas da represión continúan en cunetas e foxas. Permanecen as distincións honoríficas e títulos nobiliarios a golpistas e criminais, que se sentaron nos consellos de ministros presididos por Franco.
Mentres tanto, Felipe VI, o mesmo que o rei Juan Carlos, aínda non condenou a ditadura franquista. Está en marcha a Querela Arxentina para xulgar os crimes do franquismo, que gozan aquí de impunidade porque, en virtude do pacto da Transición, os sucesivos gobernos de UCD, PSOE e PP interpretaron a Lei de Amnistía de 1977 como unha lei de punto final.”

Presentación de Historia das historias de Galicia, coordinado por Isidro Dubert, o mércores 18 de maio

EsteIsidro Dubert Historia das historias de Galicia mércores, 18 de maio, ás 20:00 horas, presentamos Historia das historias de Galicia, un libro de autoría diversa, coordinados por Isidro Dubert, e publicado por Xerais. No acto participan, xunto a Isidro Dubert, Maria del Carmen Saavedra Vazquez e Francisco Gonzalez García.

“No seo da sociedade galega actual circulan distintas historias arredor da importancia que tiveron os celtas na nosa cultura, sobre a orixe do vello Reino de Galicia, a «doma e castración da nobreza», a existencia dos Séculos Escuros, a chegada e instalación dos cataláns, o fusilamento dos Mártires de Carral ou o suposto «atraso secular» de Galicia. Unhas historias cuxo contido e sentido leva mudado en función das distintas conxunturas políticas e culturais polas que atravesou o país. Malia iso, e ata o de agora, rara vez os historiadores prestaron atención a eses cambios e mudanzas, ás súas implicacións sociais, culturais ou ideolóxicas ou ao que realmente se agocha tras elas. Os traballos recollidos neste volume tratan de pór remedio a este esquecemento, desvelando así aspectos pouco coñecidos –e mesmo inéditos– do noso pasado colectivo.”

Estas son as persoas que participan no volume: Isidro Dubert, Manuel Gago, Francisco González García, José Miguel Andrade Cernadas, Anselmo López Carreira, Ofelia Rey Castelao, Henrique Monteagudo, María del Carmen Saavedra Vázquez, Pegerto Saavedra Fernández, Ramón Villares, Lourenzo Fernández Prieto e Edelmiro López Iglesias.

Recomendamos: Historia das historias de Galicia

Historia das historias de Galicia Isidro Dubert Historia das historias de Galiciaé un libro de autoría diversa, coordinados por Isidro Dubert, publicado por Xerais.

“No seo da sociedade galega actual circulan distintas historias arredor da importancia que tiveron os celtas na nosa cultura, sobre a orixe do vello Reino de Galicia, a «doma e castración da nobreza», a existencia dos Séculos Escuros, a chegada e instalación dos cataláns, o fusilamento dos Mártires de Carral ou o suposto «atraso secular» de Galicia. Unhas historias cuxo contido e sentido leva mudado en función das distintas conxunturas políticas e culturais polas que atravesou o país. Malia iso, e ata o de agora, rara vez os historiadores prestaron atención a eses cambios e mudanzas, ás súas implicacións sociais, culturais ou ideolóxicas ou ao que realmente se agocha tras elas. Os traballos recollidos neste volume tratan de pór remedio a este esquecemento, desvelando así aspectos pouco coñecidos –e mesmo inéditos– do noso pasado colectivo.”

Estas son as persoas que participan neste volume: Isidro Dubert, Manuel Gago, Francisco González García, José Miguel Andrade Cernadas, Anselmo López Carreira, Ofelia Rey Castelao, Henrique Monteagudo, María del Carmen Saavedra Vázquez, Pegerto Saavedra Fernández, Ramón Villares, Lourenzo Fernández Prieto e Edelmiro López Iglesias.

Presentación de As mulleres do monte, de José Antonio Gurriarán, en Portas Ártabras, o martes 17 de novembro ás 20:00 h.

Este José Antonio Gurriaránmartes 17 de novembro, ás 20:00 horas, estaremos na Asociación de Amigos dos Museos de Galicia, Portas Ártabras (Rúa Sinagoga, 22, baixo), na presentación do libro As mulleres do monte, de José Antonio Gurriarán, publicado por Galaxia. No acto, acompañando o autor, participan Felipe Senén e Víctor F. Freixanes.

Lembranzas e fantasmas dun neno de guerra. José Antonio Gurriarán Mulleres do monteEste libro é o resultado da busca de testemuños e documentos realizada durante varios anos polo autor, investigación que iniciou para completar as lembranzas da súa infancia no Barco de Valdeorras, onde eran frecuentes os enfrontamentos entre forzas policiais e guerrilleiros, popularmente coñecidos como fuxidos ou “os do monte”. O autor descubriu dese xeito o importante papel das mulleres no maquis, fornecendo refuxio e apoio aos fuxidos. Moitas desas mulleres levaban practicamente o peso do Servicio de Información da República. Foi o caso de Paquina Nieto, por cuxa froitería pasaban gran parte das mensaxes secretas dos fuxidos; de Matilde Franco, de Cacabelos, moi hábil para obter información sobre as operacións antiguerrilla dos seus “amigos” do cuartel da Garda Civil. Mais só as mulleres que foron torturadas, ou estaban ameazadas de morte, foron autorizadas a unirse aos do monte como guerrilleiras..”

Recomendamos: As mulleres do monte, de José Antonio Gurriarán

As mulleres do monte, deJosé Antonio Gurriarán Mulleres do monte José Antonio Gurriarán, é un libro publicado pola Editorial Galaxia.

Lembranzas e fantasmas dun neno de guerra. Este libro é o resultado da busca de testemuños e documentos realizada durante varios anos polo autor, investigación que iniciou para completar as lembranzas da súa infancia no Barco de Valdeorras, onde eran frecuentes os enfrontamentos entre forzas policiais e guerrilleiros, popularmente coñecidos como fuxidos ou “os do monte”. O autor descubriu dese xeito o importante papel das mulleres no maquis, fornecendo refuxio e apoio aos fuxidos. Moitas desas mulleres levaban practicamente o peso do Servicio de Información da República. Foi o caso de Paquina Nieto, por cuxa froitería pasaban gran parte das mensaxes secretas dos fuxidos; de Matilde Franco, de Cacabelos, moi hábil para obter información sobre as operacións antiguerrilla dos seus “amigos” do cuartel da Garda Civil. Mais só as mulleres que foron torturadas, ou estaban ameazadas de morte, foron autorizadas a unirse aos do monte como guerrilleiras..”

Recomendamos: Histórias de Galiza (tomos I, II e III)

Histórias de Galiza. Tomo I, Tomo II e Tomo III, con texto de Carlos Rafael Ramos e ilustracións de Idoia de Luxán Vázquez, Jerónimo Piñeiro de Castro, Juan Luis Pérez, Carlos Alfonso Fernández e Jaime Eizaguirre Santillán, foron publicadas por Difusora.

“A colección “Historias de Galiza” é unha obra de banda deseñada que, coa historia do noso país de marco de fondo, recolle diferentes creacións de cinco xoves autores. A obra foi patrocinada pola Dirección Xeral de Xuventude e Solidariedade da Xunta de Galicia.

2008-maio-historias_de_galiza_1-486x700A primeira entrega conta con cinco historias que retratan a prehistoria e os primeiros tempos da romanización en terras de Galicia, todas elas apoiadas cun apéndice cos datos deste amplo período xunto cunha bibliografía e un glosario.”

2008-outubro-historias-de-galiza_2-486x699O segundo tomo recolle cinco novas entregas de banda deseñada están ambientadas nos tempos dos castros e da romanización así como no tempo en que os suevos establecidos na Gallaecia, conforman o primeiro reino europeo: o reino de Galiza. As cinco historias están apoiadas cunha cronoloxía, unha bibliografia e unha relación dos reis galegos.

2009-marzo-historias-de-galiza_3-486x700As cinco historias que compoñen o terceiro álbum sitúanse e ambiéntanse no período histórico comprendido entre os séculos XI e XVI (anos 1000 a 1500), tempos en que o reino de Galiza atinxiu os maiores níveis de desenvolvimento político, institucional, social e cultural.
Como nas dúas entregas anteriores, as historias deste terceiro tomo apoianse nunha cronoloxía e unha bibliografía do período histórico.

Recomendamos: María Barbeito. Unha vida ao servizo da escola e dos escolares (1880-1970), de Ana Romero Masiá

OMaría Barbeito libro María Barbeito. Unha vida ao servizo da escola e dos escolares (1880-1970), de Ana Romero Masiá, está publicado por Baía Edicións.

“María Barbeito precisaba dun estudo histórico-biográfico, un texto con contexto, elaborado entre a historia social, a microhistoria e a historia cultural. Aquí está. Con soltura na escrita, cos detalles queridos á historia local, coa estrutura dunha coidada monografía, para mostrarnos o perfil dunha destacada educadora.
O presente estudo está organizado seguindo un criterio temático-cronolóxico. A esta introdución seguen catro capítulos dedicados aos catro ámbitos básicos da actividade de María Barbeito: o profesional, o benéfico-social, o literario-cultural e o das actividades cívicas e feministas. A eles segue un capítulo dedicado á traxedia que significou a depuración a que foi sometida e que determinou a separación da docencia, unha nova etapa na súa vida marcada polo silencio, a nostalxia e o sufrimento.”