María Canosa asina a súa obra Emilia Pardo Bazán. Unha mente poderosa, o 23 de abril ás 17:00 h.

O venres, sexta feira, 23 de abril, de 17:00 a 18:00 horas, María Canosa asina exemplares da súa obra Emilia Pardo Bazán. Unha mente poderosa, publicada pola Editorial Bululú, con ilustracións de Bea Gregores. Será na Libraría Sisargas (Rúa San Roque, 7, baixo, A Coruña).

“Este libro busca achegar a todos os públicos, aínda que especialmente aos nenos, a figura polifacética de Emilia Pardo Bazán a través de momentos da súa apaixonante vida. Sorprenderanos a nena curiosa e gran lectora, a muller namorada e independente e a autora de carácter, rebelde ao rol que se esperaba de toda dama nun ambiente social e familiar privilexiado. A través da lectura, o estudo e unha capacidade de traballo infinita, conseguiu ser recoñecida no seu tempo sobrepoñéndose, en non poucos momentos, ao desdén de moitos compañeiros e académicos mentres era recoñecida, nacional e internacionalmente, por público e crítica.
A ilustración, creada cunha particular utilización de técnicas tradicionais que combinan debuxo e cores acrílicos de gran forza, inspírase e apoiase, ademais de nos textos sinxelos e ben documentados de María Canosa, en fotos e noticias da época, así como en monumentos e edificios que aínda existen hoxe, buscando recrear o ambiente e lugares que frecuentou a autora cunhas imaxes moi recoñecibles e atractivas.”

Recomendamos: O bosque sem saída, de Xavier Rodríguez Baixeras

O bosque sem saída, de Xavier Rodríguez Baixeras, é un poemario publicado por Laiovento.

“Ninguém sabe abrir a porta que conduz aos âmbitos da solidão. Não há saída do labirinto do bosque vazio. Existe, por acaso, uma porta de entrada, a que se reproduz na capa deste livro, a de duas fechaduras que, na sua sucessão, marcam o contraste entre o tempo da memória e o da idade invernal onde habita, com pouco afã mas sem aceitar o encanto da desesperança, o poeta. É a mesma porta que se abre às estâncias da casa da Marinha, permanentemente revisitada por Xavier Rodríguez Baixeras, quem na dupla entrega de O bosque sem saída elabora com exemplar valentia o dramático discurso do deterioro, a decadência, a derrota. A casa da Beira Norte e de Visitantes transpira hoje o “odor de cansaço e de fermento”.
O aparelho simbólico que o poeta maneja com notável rigor indagatório desde os dias da sua estreia no ofício, lá nos anos setenta do passado século, retesa mais do que nunca nos poemas de O bosque sem saída o eixo do sentido e abre o rumo expansivo da polissemia para um discurso de reflexão substancial, um de cujos núcleos emocionais é a estoica –e mesmo gratificante- aceitação do cansaço existencial, uma sorte de elegante estado de ataraxia cultivado com consciência. “Cultivas o cansaço na fragrância/ do que foi”, confessa o poeta em declaração na frente do espelho. Esse mesmo espelho reflete a imagem dupla da memória ainda reconfortante e a da idade “vaga, invernal” do habitante do bosque sem saída.

Xosé Mª Álvarez Cáccamo”

Aquí podes ler un fragmento da obra.

Recomendamos: Porque te quero, de Baldo Ramos

Porque te quero, de Baldo Ramos, é un libro de poemas orientado sobre todo a público infantil e xuvenil, publicado por Galaxia.

“Lese practicamente igual de esquerda a dereita que de dereita a esquerda. Estes poemas son reversibles.”

Aquí pode verse o vídeo da presentación do libro en Vigo:

Presentación de En efecto bolboreta, de Ana Pillado Vega, o 28 de xuño ás 20 h.

Imaxe

En efecto bolboreta, de Ana Pillado Vega, é unha obra publicada por Edicións Fervenza.
“Véspera do Maios. Culminou a metamorfose.
A Gran Irmandade Lepidóptera, conformada por bolboretas e avelaíñas, inicia a revolución insecta, disposta a espallar o preciso cambio nas conciencias a prol de salvagardar o medioambiente. Iránse sumando á causa as reirei republicanas, as skornagirls (vacalouras lindas a rabiar), a Rede Arácnida Galega…
Na Cova das Sabias Céltigas, situada nas raíces pétreas do faro de Briga, celébrase unha Asemblea Extraordinaria. Milagreiras meigas e salgadas sereas, druidesas dos bosques e damas brancas dos castros, mouras de beleza dourada e falangueiras fadas chegan por terra, mar e aire. Canta o carro da Raíña Lupa baixo a lúa espectral da serpe.”

Presentación de Guías caninos, de Bieito Iglesias, o 9 de maio ás 20 h.

Bieito Iglesias presenta na Coruña a súa novela policial.
Guías caninos narra con moita retranca os feminicidios ocorridos nos últimos anos en Ourense.
Guías caninos é unha novela de xénero policial mais escrita con moita retranca. O humor é unha das constantes da narrativa de Bieito Iglesias e sérvelle ao escritor para falar do mundo no que vivimos sen poñerse demasiado tráxico.
En Guías caninos o protagonista é un policía, Benito Marañao, que recibe a encarga de investigar unha serie de feminicidios que están sucedendo na cidade de Ourense. Para intentar averiguar que pasa, o protagonista irase mergullando na vida diaria dunha cidade na que aparentemente non pasa nada mais que agocha moitos segredos.
Esta novela, que conta con ilustracións de Xulio Gayoso, está entre as obras finalistas á mellor obra narrativa na Gala do Libro Galego 2019.
Na presentación da Coruña estará acompañado de César Lorenzo Gil, director de Aira editorial, co que manterá unha conversa literaria.

Presentación de O latexar do barrio, de Tito Pérez, o 30 de abril ás 20 h.

O latexar do barrio, de Tito Pérez, é unha obra publicada por Edicións do Peirao.
“Un barrio. Os seus habitantes. As súas orixes. Os seus conflitos. O arrecendo, moitas veces pestífero, da vida cotiá. Nada tan sinxelo e ao mesmo tempo tan intricado. O latexar do barrio non define, describe (como coidaba Torrente Ballester que cumpría facer), deixando marxe á lectora ou lector para tirar as súas propias conclusións. Unha fotografía da sociedade galega, fundamentalmente urbana, inmersa no enguedello das súas ansias e das súas coitas. Das privacións e carencias que lle son impostas, con frecuencia autoimpostas, e ás que debe sobrepoñerse para continuar.”