Recomendamos: Lúa en Ningures, de Beatriz Maceda

Lúa en Ningures, de Beatriz Maceda Abeleira, é unha obra publicada por Xerais, con ilustracións de Laura Veleiro.

“As casas da rúa que Lúa percorría todos os días para ir ao colexio, á pastelería, á tenda de xoguetes ou ao bar onde o seu avó xogaba ao xadrez empezaron a desaparecer, esnaquizadas. Lúa e a súa familia vense na obriga de fuxir do horror da guerra e instálanse en Ningures, un campo de refuxiados onde semella que xa non queda esperanza. Porén, vai ser nese lugar onde Lúa descubra cales son os valores realmente importantes na vida das persoas.”

Presentación de Lúa en Ningures, de Beatriz Maceda, o 14 de marzo ás 20:00 h.

O 14 de marzo, ás 20:00 horas, Beatriz Maceda presenta o seu novo libro Lúa en Ningures, publicado por Edicións Xerais. No acto estará acompañada pola ilustradora, Laura Veleiro, e por Emma Pedreira e Eli Ríos.

“As casas da rúa que Lúa percorría todos os días para ir ao colexio, á pastelería, á tenda de xoguetes ou ao bar onde o seu avó xogaba ao xadrez empezaron a desaparecer, esnaquizadas. Lúa e a súa familia vense na obriga de fuxir do horror da guerra e instálanse en Ningures, un campo de refuxiados onde semella que xa non queda esperanza. Porén, vai ser nese lugar onde Lúa descubra cales son os valores realmente importantes na vida das persoas.”

Presentación de Mulleres bravas da nosa historia. Pepa a Loba, de Ledicia Costas e Eva Agra, o 21 de febreiro ás 20 h.

O 21 de febreiro, ás 20:00 horas, Ledicia Costas e Eva Agra presentan o novo volume da colección Mulleres Bravas da nosa historia: Pepa a Loba, publicado por Urco Editora. Estarán acompañadas polas escritoras Beatriz Maceda e Eli Ríos.

“Xela é unha nena que ten moi claro o que quere ser de maior: bandoleira. A pesar de que á súa nai non lle chista nadiña esta idea, para a rapaza non hai nada mellor no mundo que sentar a carón da avoa e escoitar, unha e outra vez, historias sobre a nosa bandoleira, sobre Pepa a Loba, a muller afouta que a pesar de todos os obstáculos que a vida lle puxo diante, conseguiu ser a capitá dunha gavela de homes e axudar a quen o precisaba. Xela nunca ten suficiente, sempre quere saber máis. E vós, queredes saber quen foi Pepa a Loba?”

Presentación do número 4 da revista O Dez, o luns 25 de setembro ás 20:15 h.

O luns 25 de setembro, ás 20:15 horas, preséntase na Libraría o número literario da revista O Dez. No acto participan Lino Braxe, Beatriz Maceda e Óscar Losada, editor e director da revista.
O número catro da revista de fútbol O DEZ dáse a man coa literatura e ten o grande apoio dos ilustradores. O tema de portada é “O meu ídolo futbolístico” e na publicación temos a oito escritores realizando un texto sobre o seu ídolo.
Participan na revista os escritores Lino Braxe, Ledicia Costas, Xabier P. DoCampo, Pedro Feijoo, Beatriz Maceda, Carlos Meixide, Eduardo Sacheri e Manuel Seixas.
Nas ilustracións contamos con Walter Artola, CaricaTorres, Artur Cousiño, Daniel Diebold, Xulia Pisón e Santy Gutiérrez.

Presentación de Cando John Lennon coñeceu a Valle-Inclán, de Beatriz Maceda Abeleira, o 8 de agosto ás 20 h.

O martes 8 de agosto, ás 20:00 horas, Beatriz Maceda Abeleira presenta Cando John Lennon coñeceu a Valle-Inclán, publicada por Trifolium. No acto, a autora estará acompañada Pancho Valle-Inclán e Xan Arias.

“Unha historia na que se mistura o real coa ficción, co misterio, a través da vida, da obra e as diferenzas históricas das dúas Españas que lle toca vivir a Valle-Inclán e ao seu bisneto ficticio. Unha España triste e gris despois da perda das colonias, a Xeración do 98; e a España dos anos oitenta, na que se produce unha explosión de creatividade en todos os eidos artísticos. A narración empeza cinco meses despois do asasinato de John Lennon.”

Recomendamos: O álbum de Garrincha, de Beatriz Maceda Abeleira

O álbum de Garrincha, de Beatriz Maceda Abeleira, Beatriz Maceda O álbum de Garrinchaestá publicada na Editorial Galaxia.

Garrincha foi un futbolista brasileiro medio coxo, ou coxo completo, coa columna vertebral como unha interrogación. Ninguén pensou nunca que chegaría gañar o Mundial e ser un dos mellores futbolistas de todos os tempos. A historia de Garrincha é a que ten sempre en mente o protagonista desda novela que, a través do fútbol, vai conseguir entender o mundo, ás veces hostil, que o rodea.”

En palabras da autora:
“Unha mañá á hora do recreo, saín cara a pista do patio a cumprir a promesa que fixera aos meus alumnos e alumnas: ir a velos xogar un partido de fútbol.
Había unha semana que contabamos cun compañeiro máis, acababa de chegar do Perú. Un rapaz coa morriña instalada nos seus ollos. Cando cheguei as gradas alí estaba el, só. Senteime ao seu carón e propúxenlle que se achegara a xogar ao fútbol cos seus compañeiros. Baixou a cabeza e fixo un non con ela.
Cando pasaran cinco minutos, un dos rapaces que estaba na pista berroulle: Vén xogar con nós, precisamos un máis!
Ao rematar o recreo, o noso novo compañeiro xa estaba falando e sorrindo.
Nese momento naceu O álbum de Garrincha.
O fútbol fixera mais pola integración no grupo deste neno, que as estratexias pedagóxicas nas que levaba pensando eu dous días.
E “Mané Garrincha”, o futbolista que cando naceu lle dixeron á súa nai que non lograría camiñar, ao que nada lle foi doado, o que logo se convetiría na “alegría do pobo” e no mellor xogador do mundo; o compañeiro perfecto para axudar a João a integrarse no seu novo mundo.”

Obradoiro e presentación de Man. O alemán de Camelle, con Beatriz Maceda e Laura Veleiro

EsteMan 6 sábado, 3 de xaneiro, a partir das 12:30 horas, na Libraría (no noso novo emprazamento, na Rúa San Roque, 7), terá lugar a presentación do libro Man. O alemán de Camelle, escrito por Beatriz Maceda Abeleira e fermosamente ilustrado por Laura Veleiro, publicado por Galebook. Trátase da historia ilustrada dun heroe respectuoso coa natureza e co seu entorno, un artista que non precisaba máis que as súas mans e os materiais atopados entre as rochas para crear un museo único, ao aire libre, do que calquera visitante da vila mariñeira de Camelle pode gozar.

As autoras farán tamén un obradoiro dirixido nomeadamente ao público máis novo, aínda que poderá participar, por suposto, todo o público asistente, onde se transmitirá a forza do traballo creador de Man.