Recomendamos: Atlas da Galicia pequeniña, de César Cequeliños e Jorge Campos

Atlas da Galicia pequeniña, de César Cequeliños e Jorge Campos, é unha obra publicada por Aira Editorial.

“Libro ilustrado pensado para crianzas de todas as idades que percorre moitas áreas da identidade nacional galega: xeografía, historia, lendas, personaxes célebres, festas e celebracións, símbolos… Un percorrido visual útil para aprender a coñecernos mellor como pobo, desenvolvido con mestría por César Cequeliños e por Jorge Campos, premio da Gala do Libro 2017 polo seu cómic Alter·Nativo

Presentación de Guías caninos, de Bieito Iglesias, o 9 de maio ás 20 h.

Bieito Iglesias presenta na Coruña a súa novela policial.
Guías caninos narra con moita retranca os feminicidios ocorridos nos últimos anos en Ourense.
Guías caninos é unha novela de xénero policial mais escrita con moita retranca. O humor é unha das constantes da narrativa de Bieito Iglesias e sérvelle ao escritor para falar do mundo no que vivimos sen poñerse demasiado tráxico.
En Guías caninos o protagonista é un policía, Benito Marañao, que recibe a encarga de investigar unha serie de feminicidios que están sucedendo na cidade de Ourense. Para intentar averiguar que pasa, o protagonista irase mergullando na vida diaria dunha cidade na que aparentemente non pasa nada mais que agocha moitos segredos.
Esta novela, que conta con ilustracións de Xulio Gayoso, está entre as obras finalistas á mellor obra narrativa na Gala do Libro Galego 2019.
Na presentación da Coruña estará acompañado de César Lorenzo Gil, director de Aira editorial, co que manterá unha conversa literaria.